Pakënaqësi e madhe, protestë e vogël

Banorët e Malishevës po përballen prej ditësh me mungesa të gjata të energjisë elektrike, çka ka shkaktuar pakënaqësi të theksuar në gjithë komunën.

Ndërprerjet e shpeshta dhe të paparashikueshme të energjisë kanë vështirësuar jetën e përditshme, ndërsa shumë qytetarë ankohen se janë dëmtuar edhe pajisjet e tyre elektrike.

Megjithatë, protesta e organizuar sot në sheshin kryesor të qytetit rezultoi me pjesëmarrje të ulët.

Më pak se 100 persona dolën për të shprehur zemërimin e tyre ndaj autoriteteve lokale dhe kompanisë përgjegjëse për furnizimin me energji elektrike.

Pavarësisht pjesëmarrjes së ulët, organizatorët paralajmëruan se do të vazhdojnë me protesta të tjera deri sa situata të përmirësohet.